Seitura 22 presenta o proxecto de cooperación que aspira a desenvolver no 2.019

Os pasados días 19 e 20 de Decembro na Seu d’ Urgell, Lleida, Seitura 22 estivo presentando o proxecto “POR UN MUNDO RURAL VIVO - Recuperando ilusión”. 

O cal pretendemos desenvolver a través da convocatoria de Cooperación Leader publicada nesta anualidade pola Xunta cos obxectivos de;  

- Incentivar e facilitar o retorno e a inserción laboral da xuventude nas zonas rurais. Dinamizando así a economía rural, fomentando a dinamización e diversificación do rural en actividades económicas.

- Impulsar o número de persoas mozas que se incorporen ó sector agrícola, colaborando en promover unha transición agroecolóxica e o relevo xeracional.

A xornada apoiada pola Red Rural Nacional, busca facilitar a cooperación entre os GDR. Nesta ocasión a xornada foi organizada polo Grupo CAUC Alt Urgell y Cerdanya co fin de cooperar con outros grupos con obxectivos semellantes aos do proxecto ODISSEU “Retorno del talento joven” que aborda o fenómeno da migración xuvenil rural-urbana e busca encontrar solucións á fuga de talento das zonas rurais e á falta de relevo xeracional nos concellos rurais. 

 

Preestreno do Programa "Fogones en Ortigueira"

O vindeiro día 15 celebraremos unha “Xornada sobre financiamento europeo”

En colaboración con Europe Direct (pertencente á Deputación da Coruña) dende a Asociación Seitura 22 celebraremos o próximo día 15 de novembro, dunha “Xornada sobre financiamento europeo”,

Esta xornada impartirase no Antigo Hospicio de Ferrol, situado na Rúa Méndez Núñez, Esquina Praza Amboaxe, en Ferrol, en horario de 09:00 a 14:00 horas.

O obxecto da Xornada é proporcionar información sobre as distintas liñas de  financiamento europeo existentes, que poden contribuír a  facilitar a creación dunha candidatura para a realización de Proxectos, incluíndo un taller que permitirá definir proxectos que a propia Asociación Seitura 22 pode presentar ás diferentes liñas de axuda. 

Por outra banda, este taller pode axudar a definir proxectos que as diferentes asociacións e entidades locais poden presentar de maneira individual. 

O taller será impartido por Ana Moreno Bejarano, técnica de Europe Direct de Granada, especialista en economía circular, e con experiencia en presentar candidaturas a diferentes programas para grupos de Concellos de reducida dimensión.

A xornada está dirixida prioritariamente aos técnicos e directivos das distintas entidades privadas que conforman a Asociación Seitura 22, así como aos responsables políticos e técnicos das entidades públicas.

Prégase que aquelas persoas que estean interesadas en asistir á Xornada, se inscriban previamente, antes do día 12 de novembro, a través do seguinte enderezo electrónico info@seitura22.gal,

ou chamando ao nº de teléfono 981 33 33 98

A Cortiña e o Concello de San Sadurniño presentan o Outono Agroecolóxico.

Durante os meses de Outubro e Novembro están previstas unha serie de encontros que permitiran coñecer diversas experiencias agroecolóxicas. Será na Casa da Xuventude de San Sadurniño.

Seitura promove o curso EDUCANDO EN VALORES PARA UN NOVO MODELO ALIMENTARIO

En colaboración con EuroEume,Veterinarios sin Fronteras  – Justicia Alimentaria, Hegoa e Agrupación Agroalimentaria do Eume desenvolverase este curso os días 3, 4, 5 e 6 de Outubro no IES Fraga do Eume de Pontedeume.

A intención é que o mesmo teña continuidade a través da creación dun grupo de traballo que poda seguir desenvolvendo actividades en relación coa temática da alimentación.

O curso é gratuito e está homologado pola Consellería de Educación, as prazas son limitadas polo que é necesario a preinscripción, podedes realizala ou obter mais información a través dos teléfonos  981440668 / 981440729 e do correo seitura22@seitura22.gal .

INTRODUCIÓN
A alimentación é un feito fundamental na nosa vida cotiá con enormes efectos sociais, ambientais e sobre a nosa saúde. Como tal, constitúe unha problemática social relevante desde a que traballar a nivel educativo de maneira transversal en todas as áreas e como proxecto.
Si consideramos a educación como un motor de transformación social, é fundamental afrontar estas problemáticas sociais desde a perspectiva dunha educación crítica, que estimule o debate e a xeración dun criterio propio por parte do alumnado sobre o sistema alimentario e o noso papel como persoas consumidoras para actuar a favor dun modelo máis xusto, saudable e sostible.
OBXECTIVOS
O presente curso, ten como obxectivo xeral dar ferramentas prácticas ao profesorado para traballar na aula desde o enfoque e metodoloxías da educación crítica, a problemática social, ambiental e para a saúde do noso sistema alimentario, e as alternativas que se ofrecen desde a soberanía alimentaria con enfoque de xénero.
Para iso, busca en primeira instancia que o profesorado coñeza e se sensibilice sobre o actual sistema alimentario e os impactos xa citados, así como as alternativas propostas desde a soberanía alimentaria con perspectiva de xénero.
En segundo lugar, o curso ofrece ferramentas e materiais concretos para traballar tanto na aula como no horto escolar e co resto da comunidade educativa (ANPA’s, etc) e a posibilidade de coñecer e intercambiar experiencias sobre o tema con outros centros educativos.
ESTRUTURA
O curso estrutura o contido en 6 bloques de maneira cronolóxica para ter os conceptos básicos sobre a problemática alimentaria, a soberanía alimentaria e a educación transformadora.

A duración total aproximada é de 20 horas. Homologado pola Consellería de Educación.
Metodoloxías participativas, con lecturas, vídeos, coñecendo experiencias educativas no marco do programa alimentacción (http://www.alimentaccion.net/)
Realizaranse exercicios de elaboración de materiais didácticos e saídas a explotacións do territorio.
Relatores: VsF – Justicia Alimentaria, Hegoa, EuroEume, Na horta da avoa María.
Prazas limitadas, necesario preinscripción.

Aprobados 11 proxectos na convocatoria Leader 2.018

Na convocatoria Leader de 2.018 apróbanse 696.051,16 € en axudas.

 

Estas axudas repartironse entre 11 proxectos a executar entre 2.018 e 2.019.

A continuación presentamos a relación de proxectos e as cantidades comprometidas:

ANEXO I: PROXECTOS PRODUTIVOS

Título	Promotor	Orzamento aceptado	Portentaxe de  axuda (%)	IMPORTE AXUDA	Concello
Comercio e factura electrónicos	Coop. Ptres. Campo Capela, SCG	13.954,50€	50,00%	6.977,25€	A Capela
Proxecto de melloras tecnolóxicas en queixería	Cooperativa Productores Campo Capela	57.768,00€	47,90%	27.670,87€	A Capela
Planta de almacenamento e reciclaxe de residuos	Villasuso Ortegal, S.L.	171.381,62€	45,80%	78.492,78€	Ortigueira
Construción nave, adquisición maquinaria e posta en marcha de entidade de transformación, embalaxe, almacén para…	Cabarcos y Salgueiro, S.L.	280.674,33€	45,20%	126.864,80€	Narón
Centro de renvasado, transformación e fundido	Lácteos Algra, S.L.	14.268,55 €	44,90%	6.406,58€	San Sadurniño
Nave almacén para maquinaria agarícola	Ivan Tembrás, S.L.U.	390.954,47€	43,70%	170.847,10€	As Somozas
Centro de día (Lar do Eume) en Pontedeume	Mª Encarnación Sardiña Camino	186.960,33€	43,40%	33.209,21€	Pontedeume

 ANEXO II: PROXECTOS NON PRODUTIVOS CON AXUDA CONCEDIDA PROMOVIDOS POR ENTIDADES PÚBLICAS LOCAIS

Título	Promotor	Orzamento aceptado	Portentaxe de  axuda (%)	IMPORTE AXUDA
Centro cívico socio-cultural en As Somozas	Concello das Somozas	690.576,65€	79,00%	122.791,29€

 ANEXO III: PROXECTOS NON PRODUTIVOS CON AXUDA CONCEDIDA PROMOVIDOS POR ENTIDADES PRIVADAS

Título	Promotor	Orzamento aceptado	Portentaxe de  axuda (%)	IMPORTE AXUDA	Concello
Equipamento obradoiro serigrafía: Túnel de secado	ASPANEPS	6.352,50 €	88,00%	5.590,20€	Fene
RUTRA: Transporte adaptado no rural	Asociación ASCM	37.212,08€	86,00%	32.002,39€	Ferrol
Aulas formativas prelaborais	ASPANAES, Asociación de Pais de persoas con trastorno de espectro autista	99.637,43€	86,00%	85.198,70€	Ferrol